Ողջո՜ւյն սիրելի այցելու, եթե դու կարդում ես մեր պատմությունը, ուրեմն քեզ հետաքրքրել է happyparty.am կայքի ստեղծման գաղափարը, ինչն էր, ստեղծել մեկ առցանց հարթակ, որտեղ դու կկարողանայիր գտնել և պատվիրել քո կյանքի ընթացքում կայանալիք բոլոր միջոցառումների պարագաներն ու ձևավորումները մեկ հպումով և ստանալ քո իսկ նախընտրած օրը։
Քեզ, հնարավոր է, հետաքրքրի նաև թե որտեղի՞ց ծնվեց այս գաղափարը։ Գաղափարը ծնվեց այն բանից հետո, երբ ես՝ լինելով երկու երեխաների մայրիկ, չունենալով ազատ ժամանակ և ունենալով առջևում բազմաթիվ միջոցառումներ, բախվեցի մի այնպիսի խնդրի, ինչպիսին էր միջոցառման պարագաների խանութներ փնտրելը, պարագաներ ընտրելը և այդ ամենը առաքելը։
happyparty.am կայքը ստեղծվեց հենց այդ խնդիրը լուծելու համար՝ ինչն էր համախմբել բոլոր միջոցառումների պարագաները մեկ տեղում, օգնել առցանց խորհրդատվության միջոցով ստանալ համահունչ և գեղեցիկ փարթի սեթ, կազմակերպել պարագաների առաքումը նշված օրն ու ժամին։ Եվ այս ամենն իհարկե էլ ավելի մեծ ուրախության և ոգևորության համեմունք կավելացներ սպասվելիք միջոցառմանը։
Կայքի ստեղծման ուղղին բարդ էր և ժամանակատար, սակայն մեր թիմի համառ ջանքերի շնորհիվ այն ի կատար ածվեց։
Մենք որդեգրել ենք անընդհատ աճելու և զարգանալու ռազմավարություն։ Հետզհետե կավելանան նոր ապրանքատեսակներ և հույս ունենք, որ կկարողանանք բավարարել նույնիսկ ամենաբծախնդիր հաճախորդին։
Մեր առաքելությունն է մեր հարթակի միջոցով օգնել մարդկանց կատարել արագ և հարմարավետ միջոցառման պարագաների ընտրություն՝ խնայելով և՛ ժամանակը և՛ ռեսուրսները։
Մեր տեսլականն է դառնալ Հայաստանում ապրող յուրաքանչյուր մարդու կայանալիք միջոցառումների վստահելի ընկերն ու խորհրդատուն։
Լիահույս ենք, որ ձեր կյանքի ամենահիշարժան և կարևոր միջոցառումների ձևավորումները վստահելով Happy Party-ին ՝ կկրկնապատկվի նաև ձեր ուրախությունն ու գոհունակությունը։
Դե ինչ, շնորհակալ ենք, որ հյուրընկալել եք մեր կայքը։ Զգացեք ձեզ ինչպես ձեր տանը։ Մնացեք այնքան, ինչքան կցանկանաք։
Սիրով՝ happyparty.am կայքի հիմնադիր՝ Մարինա Գրիգորյան